OKU HOKO ‘A E TEKE KI HE LILIU FAKATEMOKALATI ‘O E KUOHILI KE NEOMAI ‘A E FO’I ‘ATA MAHINOAUPITO, ‘A E FIEMA’U ‘E HE KAKAI KE FAI HA FAKALELEI KI HE SISITEMI FAKALAO ‘A TONGA (LEGAL SYSTEM) (KONGA 3)

‘OKU HOKO ‘A E TEKE KI HE LILIU FAKATEMOKALATI ‘O E KUOHILI, KAU AI ‘A HONO TUTU ‘O NUKU’ALOFA ‘I HE 2006, KE NE ‘OMAI ‘A E FO’I ‘ATA MAHINO ‘AUPITO, ‘A E FIEMA’U ‘E HE KAKAI ‘O TONGA KE FAI HANO FOKOTU’UTU’U FO’OU PE HA FAKALELEI KI HE SISITEMI FAKALAO ‘A TONGA (LEGAL SYSTEM).

NA ‘E FU’U ‘OHOVALE LAHI FOKI ‘A E PULE’ANGA ‘O DR FELETI SEVELE ‘I HONO TUTU ‘E HE KAKAI ‘O TONGA ‘A HONAU KOLOMU’A, NUKU’ALOFA PEA NA ‘E HA ATU KIATE KINAUTOLU KUO PAU KE NAU TEUTEU KE FAI HANO SOLOVA ‘A E ME’A NA ‘E LOTOMAMAHI AI ‘A E KAKAI ‘O E FONUA. NE HOPO MAI ‘A E KAKAI TONGA KI HALA ‘O LAKAFAKAHÃHÃ ‘I HE HALA PULE’ANGA KO E TA’EFIEMALIE ‘I HE TU’UTU’UNI ‘A E FALEALEA KE TÃPUNI ‘O ‘IKAI KE ‘OMI HA TALI ‘O HANGE KO ‘ENAU PALOMESI. NA ‘E TUPULEKINA AI ‘A E LOTOMAMAHI ‘A E KAKAI ‘O TUTU MO FAKA’AUHA ‘A LOTO NUKU’ALOFA.

NA ‘E ‘OATU LEVA ‘E HE PULE’ANGA ‘O DR FELETI SEVELE ‘A ‘ENAU TOHI KOLE KI NEW ZEALAND MO AUSTRALIA KE ‘OMI ‘ENAU KAU SOTIA KE FAKAMANAMANA’I ‘AKI ‘A E KAKAI ‘O E FONUA LOLOTONGA ‘ENI ‘A E VELA ‘A LOTO NUKU’ALOFA. ‘I HE ‘AHO HOKO PE, NA ‘E FAKAHÃ ‘E HE PULE’ANGA ‘E TUKU ‘A E KONISITUTONE KI HE TAFA’AKI KA NAU FEINGA KE PULE’I FAKAKAUTAU ‘A TONGA (STATE OF EMERGENCY) PEA NA ‘E TOKI TO’O PE ‘A E STATE OF EMERGENCY ‘I FEPUELI ‘O E 2011.  KO E FEINGA KE FAKATOKOSI’I ‘A E KAKAI NA ‘E NOFO ‘I PANGAI MO FAKA’ATÃ ‘A E KAU POLISI KENAU PUKE MO FAKAHU ‘A E KAKAI ‘O ‘IKAI TO E FAKALAULAU KE MAHALO’I KI HA FA’AHINGA HIA.

KO HONO TUTU ‘O NUKU’ALOFA ‘I HE 2006, KO E TUMUTUMU IA ‘O E FEINGA TEKE KI HE LILIU FAKATEMOKÃLATI, ‘A IA KO E TUKU’AU MAI ‘ENI MEI HE NGAAHI ME’A NA ‘E ‘OSI HOKO ‘I HE 1970s MO E 1980s. NA ‘E TAUMU’A ‘A E FEINGA LILIU NE FAKAHOKO KE FAKALAHI ‘A E KAU FAKAFOFONGA ‘O E KAKAI PEA MOHA KAU TAKI ‘OKU NAU TALIUI KAKATO KI HE KAKAI. NA ‘E ‘OSI FAKAHOKO MAI FOKI ‘A E NGAAHI FEINGA LILIU KI HE KONISITUTONE ‘I HE 1990s NA ‘E TAKI AI ‘A E PM LOLOTONGA ‘AKILISI POHIVA PEA NAU ‘OATU FOKI MO ‘ENAU LAU FAKAANGAANGA ‘E 3 KI HE LILIU FAKAPOLITIKALE ‘A IA NA ‘E 1 ‘I HE 1997 PEA 2 ‘I HE 2002. KA NEONGO IA, NE ‘IKAI FAI HANO TALANOA’I ‘A E LAO KELEKELE (LAND ACT) KO E KONGA FIKA 3 IA ‘I HE KONISITUTONE (THE LAND).

NEONGO NA ‘E ‘IKAI KE FAKAKAU ‘A E KELEKELE ‘I HONO TALANOA’I, KA KUO ‘OSI FIEMA’U ‘E HE KAKAI ‘O TONGA KE FAI MO FAKAHOKO HA LILIU KI HE LAO KELEKELE. ‘I HE 1975, NA ‘E FAKAHOKO ‘E HE COUNCIL ‘O E NGAAHI SIASI HA SEMINA ‘I HE FOUNGA HONO FAKALELE ‘O E KELEKELE’ PEA NA ‘E TOKOLAHI ‘A E KAKAI NA’A NAU ‘OHAKE ‘ENAU NGAAHI TA’EFIEMALIE FEKAU’AKI MO E SISITEMI ‘OKU NE FAKALELE ‘A E KELEKELE ‘I TONGA (LAND TENURE SYSTEM). NA ‘E HOKO ‘A E NGAAHI FEINGA LILIU KO ‘ENI ‘O HOKO AI ‘A HONO TOE FAKALELEI’I ‘O E LAO KELEKELE (LAND ACT) KE FAKA’ATÃ ‘A E KAKAI KENAU NO ‘AKI ‘A ‘ENAU KONGA KELEKELE (MORTGAGE) PEA KENAU LAVA FOKI KE LISI ATU KI TU’A HONAU NGAAHI ‘API. NA ‘E ‘IKAI TUKU AI ‘A E TEKE ‘E ‘AKILISI POHIVA KE FAKAHOKO ‘A E NGAAHI LILIU KI HE LAO KELEKELE ‘A TONGA, KA NA ‘E FAKAHANGAHANGA KEHE PE ‘A E KAU TAKI ‘O E FONUA.

KO E TUTU ‘O NUKU’ALOFA ‘OKU NE FAKAHÃ’I KI HE TU’I MO ‘ENE KAU NOPELE ‘A E FIEMA’U KE FAKAHOKO ‘A E LILIU ‘OKU FIEMA’U ‘E HE KAKAI ‘O E FONUA (FINAL WAKE UP CALL). KO E KONGA TETAU HOKO ATU KIAI ‘I LALO, KO HONO FAKAMATALA’I IA ‘A E LILIU KI HE KONISITUTONE ‘A TONGA ‘I HE 2010 FEKAU’AKI MO E TOTONU ‘A E KAKAI KA E TAUTAUTEFITO KI HE ’ENAU TOTONU KI HE KELEKELE.

KO E FAKALELEI KI HE KONISITUTONE ‘A TONGA ‘I HE 2010 NA ‘E ‘IKAI KAKATO AI ‘A E LILIU FAKAPOLITIKALE PEA ‘IKAI HA’ANE FELAVE’I MO HA LILIU KI HE LAO ‘O E KELEKELE.

NEONGO NA ‘E TAUMU’A ‘A HONO TUTU ‘O NUKU’ALOFA KI HE LILIU NA ‘E FAKAHOKO KI HE KONISITUTONE ‘A TONGA ‘I HE 2010, KA ‘OKU FEHU’IA ‘A E ME’A NA ‘E LILIU, KOE’UHI KE MA’U AI HA LELEI ‘A E KAKAI ‘O E FONUA.

KO E FAKALELEI KONISITUTONE ‘O E 2010 NA ‘E TAUMU’A KE ‘OATU KI HE KAKAI TU’A ‘A E MAFAI FAKAPOLITIKALE ‘OKU TO E LAHI ANGE (INCREASED POLITICAL REPRESENTATION).

NA ‘E HOKO ‘A E TUTU ‘O E 2006 KE NE FEKAU’I ‘A E FALEALEA KE FAKAPAASI ‘A E CEC ACT (CONSTITUTIONAL ELECTORAL COMMISSION ACT). KO E FATONGIA ‘O E KOMISONI KOIA,’ KO HONO FA’U ‘A E LIPOOTI MO E HONO NGAAHI FAKAMO’ONI FEKAU’AKI MO E LILIU KI HE FOUNGA FILI FALEALEA PEA ‘AVE LEVA ‘A E LIPOOTI KOIA’, ‘O  FAKAHU KI HE FAKATAHA TOKONI MO E FALEALEA ‘O TONGA. KO E NGAAHI LILIU KO ‘ENI,’ NA ‘E MAKATU’UNGA IA MEI HE FAKA’EKE’EKE NA ‘E FAI ‘E HE KAU MEMIPA ‘O E KOMISISONI CEC KI HE KAKAI ‘O E NGAAHI KOLO PEA MO E NGAAHI FAKATAHA LALAHI NA ‘E FAKAHOKO KENAU FANONGO KI HE LE’O ‘O E KAKAI TU’A MO ‘ENAU NGAAHI FIEMA’U.  NA ‘E FA’U LEVA ‘E HE CEC ‘A E NGAAHI LIPOOTI ‘O FAKAHÃ KOTOA AI ‘A E OLA ‘O E NGAAHI FAKA’EKE’EKE NA’A NAU FAKAHOKO, PEA NA ‘E FAKA’ASI ‘I HE NGAAHI LIPOOTI KOIA ‘A E FIEMA’U KE FAKATOKOLAHI ‘A E KAU FAKAFOFONGA ‘O E KAKAI’ KI FALEALEA. NA ‘E TALI LEVA ‘E HE PULE’ANGA ‘A E LIPOOTI ‘A E CEC ‘O FAKAHOKO ‘AKI ‘A E FAKALELEI KI HE KONISITUTONE ‘I HE 2010.

NE TALI LEVA KE FILI ‘E HE KAKAI ‘ENAU KAU FAKAFOFONGA ‘E 17 KI FALEALEA MEI HE MEMIPA FAKAKATOA ‘E TOKO 26 ‘I FALEALEA. KA KI MU’A TE’EKI FE FAKAHOKO ‘A E LILIU, NA ‘E TOKO 9 PE ‘A E KAU FAKAFOFONGA NA’E FAKA’ATA ‘E HE LAO KE FILI KI FALEALEA MEI HE KAU MEMIPA FAKAKATOA ‘E 33 ‘I FALEALEA. ‘IKAI KEHE,  KO E PALEMIA KUO PAU KE FILI MEI HE FALEALEA KI MU’A IA PEA TOKI FAKANOFO ‘E HE TUI ‘A E PALEMIA KUO FILI. KO E TU’UTU’UNI IA NE FAKAHOKO ‘E HE CEC KE FAKAHOKO ‘A E LILIU FO’OU KO ‘ENI ‘I HE 2010.

KO E FAKALELEI KI HE KONISITUTONE’ ‘I HE 2010 NA ‘E SI’ISI’I FAU HA MAKATU’UNGA KI HE LILIU FAKAPOLITIKALE.

KO E FILI FALEALEA ‘O E 2010 NA’E KAU ‘I HE TOKO 17 NA ‘E FILI KI FALEALEA ‘A E KAU FAKAFOFONGA MEI HE PAATI FAKATEMOKALATI ‘A TONGA (DPFT: DEMOCRATIC PARTY OF THE FRIENDLY ISLAND) MO E KAU FAKAFOFONGA FILI TAU’ATAINA. NA ‘E MA’U ‘E HE PAATI FAKATEMOKALATI ‘A TONGA ‘A E TOKO SEA ‘E 11 PEA SEA LEVA ‘E 6 ‘A E KAU FAKAFOFONGA TU’U TAU’ATAINA. KO E TAIMI NA ‘E FAI AI ‘A E FILI PALEMIA, NA ‘E FILI KOTOA ‘A E KAU TU’U TAU’ATAINA FAKATAHA MO E KAU NOPELE ‘IA LORD TU’IVAKANO KE HOKO KO E PALEMIA ‘O TONGA.

NE TO AI E LEA KO ‘ENI MEI A DR CROSBIE WALSH, KO E PALOFESA MEI HE UNIVERSITY OF THE SOUTH PACIFIC. NA ‘A NE PEHE KO E KI’I SITEPU SI’ISI’I ‘ENI KI HE LILIU NA ‘E FAKAHOKO ‘I TONGA, KA KO E MAFAI PULE ‘OKU KEI NOFO PE ‘I HE ‘AOFINIMA TATAU.

“There is an obvious moral to this story. Tonga has taken a small step forward towards a more representative parliament but effective power and authority continues to reside in the same hands . . . . Appearance not substance is what counts. Overseas armchair democrats and politicians can be content. There has been an “election”—and little substantial change.”

NA ‘E HOKO ‘A E LEA ‘A WALSH ‘I HE ‘AHO 3 ‘O SANUALI ‘O E 2011 LOLOTONGA IA ‘A E FELAU’AKI ‘A E FONUA ‘I HE TU’UTU’UNI NE FAI ‘E HE PALEMIA LORD TU’IVAKANO, ‘A ‘ENE FILI MAI ‘A E MINISITA ‘E UA MEI TU’A KI HE’ENE FAKATAHA KAPINETI ‘I HE ‘AHO 3O TISEMA 2010. NE A’U MAI KI HE ‘AHO 14 ‘O SANUALI 2011, NA ‘E FAKAFISI AI ‘A ‘AKILISI POHIVA MEI HONO TU’UNGA KO E MINISITA MO’UI (HEALTH MINISITER) NE FILI IA KI AI ‘E LORD TU’I VAKANO KOE’UHI HE KUOPAU KE FAKAMO’ONI ‘A ‘AKILISI POHIVA KI HE ALEAPAU NE ‘OATU KI AI ‘E LORD TU’IVAKANO, KE ‘OUA NA’A TA’EPOUPOU KI HE NGAAHI FOKOTU’U ‘A E PULE’ANGA KA E POUPOU MA’U PE KI HE ‘ENAU NGAAHI FOKOTU’UTU’U NGAUE.

KO ‘ENE FAKAFISI ‘ENI HILI IA ‘A E ‘AHO ‘E 17 ‘O ‘ENE ‘I HE LAKANGA MINISITA MO’UI. KA E KEI HOKO ATU PE ‘A ‘ISILELI PULU ‘I HONO TU’UNGA KO E MINISTA KI HE POTUNGAUE FOLAU’EVE’EVA PEA FAKAHIKI HAKE KI HE MINISTER FOR LABOUR, COMMERCE AND INDUSTRIES ‘O TOKI FAKAFISI ‘I JUNE ‘O E 2012 FAKATAHA MO E ONGO MINISITA ‘E 2 KO SUNIA FILI (POLICE) KA E PEHE KIA ‘ULITI UATA (HEALTH). KO E KAU MEMIPA KOTOA ‘ENI ‘O E PAATI FAKATEMOKALATI ‘A TONGA NA ‘A NAU FAKAFISI.

KO ‘ENE HOKO ‘A E NGAAHI ME’A KO ‘ENI, KO E FAKA’ILONGA IA NA ‘E ‘IKAI KE ‘I AI HA FU’U LILIU LAHI NE HOKO KI HE KONISITUTONE ‘O E 2010 NEONGO ‘A E NGAAHI FAKALELEI NA ‘E TOKANGA KIAI ‘A E CEC PEA MO E ‘IKAI HA MAFAI ‘O E KAU FAKAFOFONGA ‘O E KAKAI KE FAKAHOKO HA LILIU ‘I HE LOTO’I PULE’ANGA. ‘OKU ‘ALU KE TOE FAKALALAHI ANGE ‘A E NGAAHI FAKA’ILONGA KI HE FETÕMOKAKI ‘I HE MAFAI FAKAPOLITIKALE (POLITICAL INSTABILITY).

KO E LILIU KI HE KONISITUTONE ‘A TONGA 2010 ‘OKU ‘IKAI KE ‘I AI HA FAKA’ILONGA KI HA LILIU ‘E FAI KI HE NGAAHI LAO FEKAU’AKI MO HONO FAKALELE ‘O E KELEKELE (LAND TENURE LAWS).

‘OKAPAU ‘OKU KEI SI’ISI’I FAU ‘A E NGAAHI LILIU KI HE MAFAI FAKAPOLITIKALE ‘I TONGA, KO E ME’A TATAU PE KI HA LILIU KI HE LAO KELEKELE. NA ‘E PEHE ‘E HE PALOFESA TAUKEI ‘I HE KONISITUTONE ‘A TONGA, GUY ROWLES, KO E NGAAHI ME’A FELAVE’I MO E KELEKELE ‘O E KAU NOPELE, KO E ‘ELIA IA ‘OKU MAKATU’UNGA MEI AI ‘A E FAINGATA’A HONO LILIU ‘A E KONISITUTONE ‘A TONGA. ‘OKU ‘IKAI KENE TUI ‘E HOKO HA LILIU FEKAU’AKI MO E TOFI’A ‘O E KAU NOPELE, KAE ‘OUA LEVA KE ‘I AI HA FU’U LILIU LAHI KI HE FA’UNGA MAFAI FAKAPOLITIKALE ‘A TONGA.  HE ‘OKU MAPULEA ‘E HE TU’I MO E HOU’EIKI ‘O TONGA ‘A E PULE’ANGA FO’OU KOTOA PE.

KO E KONISITUTONE ‘O E 1875 MO E NGAAHI LILIU KUO FAKAHOKO KI AI ‘I HE NGAAHI TA’U LAHI ‘OKU ‘I AI PE HONO MAHU’INGA, KA ‘OKU TE’EKI KENE ‘OANGE KAKATO ‘A E TOTONU ‘A E KAKAI TU’A. PEA NEONGO ‘A E NGAAHI FAKALELEI NE FAKAHOKO MAI ‘I HE NGAAHI TA’U KI MUI NI MAI, ‘OKU KEI TATAU PE MO E NGAAHI FAKALELEI ‘O E KUOHILI, ‘O ‘IKAI HANO MAKATU’UNGA.

KA ‘IKAI KE FAI HA LILIU KI HE LAO KELEKELE, ‘E KEI HOKOHOKO ATU PE ‘A E FETOMOKAKI ‘I HE MAFAI FAKAPOLITIKALE.

KO E ‘ULUAKI LIPOOTI ‘A E CEC (TONGA ‘S CONSTITIONAL AND ELECTORAL COMMISSION) NE FAKAHU ATU KI FALEALEA. NA ‘E MAHINO MAI AI ‘A E TOTU’A ANGE ‘A E HOHA’A ‘A E KAKAI TU’A KI HE FOUNGA FAKALELE ‘O E KELEKELE, ‘I HA LILIU ‘I HE FA’UNGA FAKAPOLIKALE.

FAKATATAU KI HE LIPOOTI KO ‘ENI, KO E VAHENGA KOTOA PE NA ‘A NAU LAHI KE NAU ‘OHAKE ‘A E PALOPALEMA FEKAU’AKI MO E KELEKELE ‘I TONGA PEA MO ‘ENAU MANAVA SI’I KI HA TO E NUNU’A KOVI ‘E TANAKI MAI ‘OKAPAU ‘E TO E FAI HA FAKALELEI KI HE LAO ‘O E KELEKELE,’ TAUTAUTEFITO KI HONO FA’AO FAKAMALOHI HONAU KELEKELE (ALIENATION). KOTOA ‘A E NGAAHI LILIU KUO FAKAHOKO KI HE TOKOLAHI ‘O E KAU FAKAFOFONGA’ MO E NGAAHI FAKALELEI NE FAI KI HE KONISITUTONE,’ NA ‘E TÃFATAHA PE ‘A E HOHA’A ‘A E KAKAI TU’A’ FEKAU’AKI TONU MO ‘ENAU TOTONU KI HE KELEKELE. ‘OKU HOKO FOKI ‘A HONO TALANGA’I ‘O E KELEKELE ‘I TONGA KO HA ME’A KE FAKAPULOU’I MEI HE NGAAHI FAI’ANGA FEOHI PEA FUFU’I ‘E HE KAU TAKI ‘O E FONUA. NA ‘E FAKAHA FOKI ‘E HE KOMISONI FILI ‘A TONGA (CEC) KO E NGAAHI ME’A FELALAVE’I MO E KELEKELE, NGAAHI POTUNGAUE ‘A E PULE’ANGA, ‘OKU ‘IKAI KE A’U KI AI HONAU MAFAI NGAUE.

KA NEONGO IA, KO E NGAAHI FAKAMATALA ‘A E KAKAI ‘I HE NGAAHI VAHENGA ‘OKU HA MAHINO MAI AI ‘A ‘ENAU FEIMA’U HA ME’A KE MA’U AI HA’A NAU MO’UI MO HONAU NGAAHI FAMILI PEA NAU PEHE ‘OKU ‘IKAI HANO ‘AONGA HONO FOKOTU’U HA PULE’ANGA ‘OKAPAU ‘OKU ‘IKAI KE FAKAHOKO HONAU FATONGIA KIATE KINAUTOLU KOE’UHI HE ‘OKU NAU ANGA’AKI ‘I HE NGAAHI PULE’ANGA MOTU’A ‘A E FAI PE ME’A TATAU.

NA ‘E FAKAHA FOKI ‘I HE LIPOOTI ‘A E CEC ‘O PEHE ‘OKU ‘IKAI LAVA KE FAI TAU’ATAINA HONAU FATONGIA KI HONO TUKU MAI KI HE KAKAI ‘O E FONUA ‘A E NGAAHI LILIU TOTONU ‘OKU TAAU KI HE LAO KELEKELE,’ KOE’UHI KO HONO TA’OFI KINAUTOLU ‘E HE MAFAI PULE ‘O E TU’I MO E KAU NOPELE ‘I HE PULE’ANGA TONGA.

‘IKAI KEHE, KO E ME’A KE FAKATOKANGA’I HENI, KO E KELEKELE,’ KO E KOLOA IA ‘OKU FAKANGATANGATA PEA ‘OKU FAKAFALALA KI AI ‘A E NGAAHI FAMILI ‘I HE NGOUE KE TAUHI HONAU NGAAHI FAMILI. KO E TAIMI ‘E SI’ISI’I AI ‘A E KELEKELE ‘I TONGA, KUO PAU KE FAKAFEPAKI ‘A E KAKAI TU’A ‘I HE KAHA’U VAVE MAI. KO E FAKAFEPAKI KOIA’, ‘OKU KAU AI ‘A E LAKAFAKAHÃHÃ, KO E VELA, KO E LINGITOTO PEA ‘E FAI ‘I HE TAUMU’A KO HONO ‘OHIFO ‘A E MAFAI FAKAPOLITIKALE KI HE KAKAI ‘O E FONUA MEI HE KI’I FA’AHINGA TOKOSI’I ‘OKU NAU MAPULE’I.

KO ‘ENE SI’ISI’I ANGE ‘A E KELEKELE MO E LELEI ‘E MA’U MEI AI, ‘E TO E FAINGOFUA ANGE KI HE KAKAI KE TAU’I ‘A E MAFAI PULE.

NE FAKAMATALA ‘A E KAU MATAOTAO (SCHOLARS) KI HE ‘UHINGA ‘O ‘ENE TOKI HOKO MAI KI MUI NI ‘A E TEKE KI HE LILIU FAKATEMOKALATI ‘I TONGA NI, ‘O ‘IKAI KE KAMATA MAI ‘I HE KONGA ‘ULUAKI ‘O E SENITULI 20. KOE’UHI HE NA ‘E PEHE ‘E HE FA’AHINGA KO E TAUMU’A ‘O E FEINGA LILIU KO E AKO, PEA NOFO ‘A E FA’AHINGA ‘O PEHE KO HONO FAKATOLONGA ‘O E ‘ULUNGAANGA FAKAFONUA MO HONO NGAAHI TUKUFAKAHOLO, KA NA ‘E TE’EKI KE ‘I AI HA TAHA TE NE LAVA KE NE FAKAMATALA’I MAHINO MAI KO E ‘UHINGA MO E TAUMU’A ‘O E FEINGA LILI FAKAPOLIKALE KOE’UHIA ‘ALU KE TOKOLAHI ANGE ‘A E KAKAI ‘OKU HOKO AI ‘A E FETÕMOKAKI ‘I HE ‘ENAU NGAAHI TOTONU KI HE KELEKELE. KO E TAU ‘O E KUOHILI,’ KO HONO TAU’I ‘O E KELEKELE ‘I TONGA, KOEHA ME’A KA KEHEKEHE AI ‘A E FEINGA LILIU KO ‘ENI MEI HE KUOHILI.

LAUI SENITULI KI MU’A PEA TOKI HOKO MAI ‘A E NGAAHI TEKE KI HE LILIU FAKAPOLITIKALE ‘I TONGA, NA ‘E LAHI ‘A E NGAAHI ‘UHINGA NA’E TAUMU’A KE FAKASI’ISI’I’AKI ‘A E MAHU’INGA MO E LAHI ‘O E KELEKELE NE ‘OSI VAHEVAHE KI HE KAKAI TU’A.  NEONGO ‘A E ‘ALU KE TO E TOKOLAHI ANGE ‘A E TUPU ‘A E KAKAI, NA ‘E NOFO TAHA ‘A E TOKANGA IA ‘A KUINI SALOTE KI HONO FAKALAKALAKA’I ‘A E TAFA’AKI KI HE POTUNGAUE MO’UI. ‘ALU KE TOE FAINGATA’A ANGE ‘A E NOFOFONUA ‘I HE NGAAHI FONUA MULI PEA KUO PAU KE NOFO PE ‘A E KAKAI TOKOLAHI ‘I TONGA. KUO KAMATA KE MOLE ATU FOKI MO E IVI ‘O E KELEKELE KO’UHI KO HONO TOUTOU NGOUE’I PEA ‘OKU ‘IKAI KE MA’U FUA ‘OKU LELEI.

KO E ME’A KE FAKATOKANGA’I ‘E HE KAKAI TU’A, KUO MAFAI PULE ‘O E TU’I MO E KAU NOPELE KI HONO MALU’I ‘O E KELEKELE KUO FAKA’AU KE NGALOKU. ‘I HE ‘ENE PEHEE LEVA, ‘E ‘IKAI TENAU LAVA KE FEPAKI MO E KAKAI ‘O E FONUA ‘I HA’ANAU LAKAFAKAHÃHÃ KOE’UHI PE KO ‘ENAU MANAVAHÊ KI HE NGAAHI FONUA FAKATEMOKALATI ‘O MAMANI HANGE KO NU’USILA MO ‘AOSITELELIA. HE KO E TUTU MO E LAKAFAKAHÃHÃ NE HOKO ‘I HE 2006, NA ‘E TALI ‘IKAI MAI ‘A NU’USILA KI HE KOLE NA ‘E FAI ‘E HE TU’I MO E KAU NOPELE,’ KE ‘OMI ‘ENAU KAU SOTIA KE TAU’I ‘A E KAKAI TU’A LOLOTONGA HONO TUTU ‘O NUKU’ALOFA KOE’UHI HE ‘OKU ‘IKAI KENAU POUPOU’I ‘A E PULE FAKATIKITATO ‘I TONGA. KA KO E HILI KO IA ‘A E 2006, NA ‘E TOKANGA TAHA PE ‘A E TU’I MO ‘ENE KAU NOPELE KI HONO TEU’I FAKAKAUTAU ‘A E KAU SOTIA TAUMALU’I FONUA ‘A TONGA,’ KOE’UHI KE MALU’I KINAUTOLU ‘OKAPAU ‘E TO E HOKO HA ME’A PEHE. ‘OKU NOFO ‘A E TOKANGA ‘A E TU’I MO ‘ENE KAU NOPELE ‘I HONO FAKATUPULAHI HONAU MAFAI PULE KI ‘OLUNGA, KA E ‘IKAI TOKANGA’I ‘A E MO’UI MO E KAHA’U ‘O E KAKAI TU’A.

Advertisements