KO E KONISITUTONE ‘O E 1875 MO E LAO KELEKELE ‘A TONGA (KONGA 2)

KO E KONISITUTUONE ‘O E 1875 MO E LAO KELEKELE ‘A TONGA, ‘OKU ‘IKAI KE MA’U AI ‘E HE KAKAI TU’A (COMMONERS) ‘A ‘ENAU NGAAHI TOTONU KI HE KELEKELE MO E ME’A FAKAPOLITIKALE.

NA ‘E FOKOTU’U FOKI ‘E TUPOU 1 ‘A SHIRLEY WALDEMAR BAKER KO ‘ENE TOKOTAHA FALE’I ‘I HE 1872, KO E TOKOTAHA PALANGI MO E FAIFEKAU METOTISI. NA ‘E FIEMA’U ‘E BAKER ‘A E POUPOU ‘A TUPOU 1 KE FOKOTU’U HONO SIASI ‘I TONGA. ‘I HE TAIMI TATAU PE, NE FIEMA’U ‘E TUPOU 1 ‘A E TOKONI ‘A BAKER’ KI HONO FA’U ‘O E KONISITUTONE ‘A TONGA. ‘I HE 1873 NE KAMATA AI HONO FA’U ‘E BAKER ‘A E KONISITUTONE, HILI IA ‘A ‘ENE MA’U HA NGAAHI FAKAMATALA MEI HE KAU POLIKITI ‘A ‘AOSITELELIA MO HAWAII. KO E TAIMI NA ‘E MAAU AI ‘ENE NGAUE KI HE KONISITUTONE, NA ‘A NE ‘AVE LEVA KI HE KAUTAHA LOEA ‘I ‘AOKALANI KENAU FAKALELEI’I. NA ‘E FAKAPAASI LEVA MEI HE FAKATAHA ‘A E KAU HOU’EIKI ‘O TONGA ‘A E KONISITUTONE ‘A TUPOU 1 ‘I HE ‘AHO 4 ‘O NOVEMA 1875.

KONISITUTONE FO’OU KO ‘ENI,’ NE ‘I AI ‘A E NGAAHI FAKAMATALA ‘E 132 PEA NA ‘E VAHEVAHE KI HE KONGA LALAHI ‘E 3. KONGA 1, KO E NGAAHI TOTONU FAKATAAUTAHA (INDIVIDUAL RIGHTS), KONGA 2, KO E FA’UNGA ‘O E PULE’ANGA PEA KO E KONGA 3, KO E LAO HONO FAKALELE ‘O E KELEKELE (LAND TENURE).

‘OKU ‘OMAI ‘E HE KONISITUTONE ‘I HE KUPU 4 (CLAUSE 4) ‘A E FAKALEA KO ‘ENI,

CLAUSE 4: SAME LAW FOR ALL CLASSES

THERE SHALL BE BUT ONE LAW IN TONGA FOR CHIEFS AND COMMONERS”

‘O FAKA’ALI MAI AI ‘A E NGAAHI TOTONU KI HE KAKAI TU’A, KA KO HONO FAKAPALANISI ‘O E KONISITUTONE ‘A TONGA ‘OKU HOKO AI ‘A E FETOKEHEKEHE’AKI (DISPARITY) ‘O ‘IKAI KE MA’U AI ‘E HE KAKAI TU’A (COMMONERS) ‘A ‘ENAU NGAAHI TOTONU FAKAPOLITIKALE MO E ‘ENAU NGAAHI TOTONU KI HE KELEKELE.

KO E FETOKEHEKEHE’AKI KO ‘ENI NA ‘E MAKATU’UNGA IA ‘I HONO FOKOTU’U ‘E HE TU’I ‘A E LAKANGA NOPELE KI HE KAU HOU’EIKI ‘O E NGAAHI KOLO. HILI HONO TALI ‘E HE FAKATAHA ‘A E HOU’EIKI ‘A E KONISITUTONE. NA ‘E HOKO ATU LEVA ‘A TUPOU 1 KI HONO UI ‘A E HINGOA ‘O E HOU’EIKI ‘E 20 ‘O FAKANOFO KINAUTOLU KO ‘ENE KAU NOPELE, NA ‘E FAKALEA ‘O PEHE:

I WILL READ OUT THE NAMES OF THE NOBLES AND IN CASE SOME OF YOU MIGHT BE HURT BECAUSE YOUR NAMES ARE NOT INCLUDED, THE CONSTITUTION HAS THIS TO SAY ABOUT IT ‘THE KING WILL APPOINT 20 NOBLES.”

KATOA ‘A E KAU NOPELE ‘E TOKO 20 KO ‘ENI NA ‘E MA’U HONAU NGAAHI TOFI’A PEA MO E MAFAI PULE KE FAITU’UTU’UNI KI HONO LISI ATU ‘O E KELEKELE ‘I HONAU NGAAHI TOFI’A KI HE KAKAI TU’A. PEA ‘OANGE FOKI MO HONAU LAKANGA ‘I HE FALEALEA ‘O TONGA. ‘OKU HA MAHINO MAI HENI, NA ‘E TAUMU’A ‘A TUPOU 1 MO BAKER KI HONO FOKOTU’U ‘O E NGAAHI LAKANGA NOPELE FO’OU,’ KOE’UHI KE FAKAHEKEHEKE’I ‘AKI ‘A E KAU HOU’EIKI LALAHI MO MALOHI ‘O TONGA TELIA NA’A NAU MAFULI ‘O FAKAFEPAKI.

KO E NGAAHI LAKANGA NOPELE FO’OU KO ‘ENI, NE FAKALANGILANGI’I MAKEHE ‘E HE KONISITUTONE ‘A TONGA ‘I HE MAFAI PULE FAKAPOLITIKALE MO E TOTONU KI HE KELEKELE. KO E KUPU 32, 60, 67 MO E 71 ‘O E KONISITUTONE, ‘OKU NE FAKANGATANGATA AI ‘A E NGAAHI MAFAI FAKAPOLITIKALE ‘O E KAKAI TU’A. FAKATÃTÃ ‘AKI PE ‘A E KUPU 60 ‘OKU PEHE AI,

CLAUSE 60: REPRESENTATIVE MEMBERS

“THERE SHALL BE ELECTED BY THE NOBLES OF THE KINGDOM FROM THEIR NUMBER NINE NOBLES AS REPRESENTATIVES OF THE NOBLES”

KUPU’I LAO KO ‘ENI ‘OKU NE ‘OANGE ‘A E TOTONU KI HE KAU NOPELE KE KAU KI HE FALEALEA ‘O TONGA. NA ‘E KAMATA MAI KI MU’A ‘I HE LILIU ‘O E 2010, NA ‘E NOPELE ‘E 9 PEA FAKAFOFONGA KAKAI ‘E 9, NEONGO NE MAHINO ‘A E TOKOLAHI ANGE ‘A E KAKAI ‘O E FONUA ‘I HE KAU NOPELE. ‘I HE 1914, NE FAKASI’ISI’I MEI HE 9 TOKO 9 KI HE 7, FAKATOU’OSI ‘A E ONGO TAFA’AKI PEA TOKI LILIU KE FAKAFOKI MEI HE 7 KI HE 9 ‘I HE KONGA KI MUI.

‘IKAI KEHE, NEONGO ‘A E NGAAHI FETO’AKI ‘I HE MAFAI PULE, ‘OKU MAHINO MAI ‘OKU ‘I AI ‘A E NGAAHI KUPU ‘I HE KONISITUTONE ‘OKU FAKANGATANGATA KI HE MAFAI ‘O E KAU FAKAFOFONGA ‘O E KAKAI TU’A. FAKATÃTÃ ‘AKI PE ‘A E KUPU 32 (CLAUSE 32), KO E KAU NOPELE PE TENAU FILI ‘A E TOKOTAHA ‘E HOKO KI HE TALONI, ‘O ‘IKAI KE KAU ‘A E KAU FAKAFOFONGA ‘O E KAKAI KI HE FILI KOIA.’

CLAUSE 32 SUCCESSION TO THE THRONE

“KING SHALL APPOINT HIS HEIR IF THE HOUSE OF NOBLES CONSENT TO IT (THE REPRESENTATIVES OF THE PEOPLE HAVING NO VOICE IN THE MATTER)”.

KO E KUPU 67 ‘O E KONISITUTONE KO E “PRIVILEGE OF NOBLES” PE KO E NGAAHI MAFAI FAKALANGILANGI ‘O E KAU NOPELE. ‘OKU PEHE ‘E HE KUPU’I LAO NI, KO E KAU NOPELE PE ‘I HE FALEALEA ‘OKU FAKA’ATA ‘E HE KONISITUTONE KE NAU TALANOA’I PE FILI KI HA NGAAHI LAO FEKAU’AKI MO E TU’I PE FALE ‘O E TU’I PE KO HONO NGAAHI MONU’IA MO E NGAAHI TUKUFAKAHOLO ‘O E KAU NOPELE.

CLAUSE 67: PRIVILEGE OF NOBLES

“IT SHALL BE LAWFUL FOR ONLY THE NOBLES OF THE LEGISLATIVE ASSEMBLY TO DISCUSS OR VOTE UPON LAWS RELATING TO THE KING OR THE ROYAL FAMILY OR THE TITLES AND INHERITANCES OF THE NOBLES AND AFTER ANY SUCH BILL HAS BEEN PASSED THREE TIMES BY A MAJORITY OF THE NOBLES OF THE LEGISLATIVE ASSEMBLY IT SHALL BE SUBMITTED TO THE KING FOR HIS SANCTION.”

TANAKI ATU KI AI MO E KUPU 71 ‘O E KONISITUTONE, ‘OKU TAPUI ‘E HE KUPU’I LAO KO ‘ENI ‘A E KAKAI TU’A ‘I HA’ANAU KAU ‘I HA NGAAHI HOPO ‘E TAUMU’A KE FAKAHIFO PE TAUTEA HA NOPELE.

CLAUSE 71: NOBLE MAY BE DEPRIVED OF HIS SEAT

“SHOULD ANY REPRESENTATIVE OF THE NOBLES BE GUILTY OF CONDUCT UNBECOMING HIS POSITION WHETHER DURING THE SESSION OF THE LEGISLATIVE ASSEMBLY OR NOT HE MAY BE TRIED AND DEPRIVED OF HIS OFFICE BY THE NOBLES OF THE LEGISLATIVE ASSEMBLY BUT THE REPRESENTATIVES OF THE PEOPLE SHALL NOT TAKE PART IN HIS TRIAL”

‘OKU HANGA ‘E HE NGAAHI KUPU’I LAO KO ‘ENI ‘O FAKAMAHINO MAI ‘A HONO LOMEKINA MO TAPALASIA ‘A E TOTONU ‘O E KAKAI TU’A ‘I HE FALEALEA ‘O TONGA, ‘I HONO FAKANGATANGATA ‘O E MAFAI PULE ‘O E KAU FAKAFOFONGA ‘O E KAKAI FEKAU’AKI MO E KAU NOPELE KAE PEHE FOKI KI HE FALE ‘O E TU’I.

‘IKAI KEHE, TAU HOKO ATU.  KO E KONISITUTONE FOKI ‘A TONGA ‘OKU NE FAKAMAFAI’I ‘A E KAU NOPELE ‘E TOKO 20 PEA ‘OANGE MO HONAU NGAAHI MAFAI PULE MAKEHE KI HE KELEKELE, HILI ANGE KO IA, ‘OKU ‘I AI ‘A E FAKANGATANGATA KI HE TOTONU ‘A E TOKOTAHA KOTOA PE KENE MAPULE’I HONO KONGA KELEKELE. KO E KUPU 104 ‘OKU NE FAKAHA MAI AI, KO E KOTOA ‘O E KELEKELE ‘A TONGA KO E KOLOA IA ‘A E TU’I.

CLAUSE 104 Land vested in crown – Sale prohibited

“ALL THE LAND IS THE PROPERTY OF THE KING AND HE MAY AT PLEASURE GRANT TO THE NOBLES AND TITULAR CHIEFS OR MATABULES ONE OR MORE ESTATES TO BECOME THEIR HEREDITARY ESTATES.”

PEA FAKA’ATÃ LEVA KI HE KAU NOPELE NE FILI ‘E TUPOU 1 KE MA’U TOFI’A ‘O TUKUFAKAHOLO MAI AI PE ‘IATE KINAUTOLU.  ‘OKU ‘IKAI KE NGOFUA HONO FAKATAU ATU ‘O E KONGA KELEKELE, KA ‘OKU NGOFUA PE FOKI KE LISI ‘O A’U KI HE TA’U ‘E 99 ‘A IA ‘E TOKI FAKA’ATÃ MEI HE FAKATAHA TOKONI (PRIVY COUNCIL). KO E KUPU 114 ‘OKU NE ‘OANGE KI HE FAKATAHA KAPINETI ‘A E MAFAI KENAU FAKA’ATÃ PE FAITU’UTU’UNI KI HE TALI MO TA’ETALI ‘O E NGAAHI KOLE LISI, KONGALISI (SUBLEASE) PEA ‘O A’U KI HE TA’U ‘E 99, KO E FAKATAHA TOKONI LEVA TENE TOKI FAITU’UTU’UNI KE TALI MO TA’ETALI ‘A E LISI ‘OKU LAKA HAKE ‘I HE TA’U ‘E 99.

CLAUE 114; No lease etc. without consent

No lease, sub-lease, transfer of a lease or of a sub-lease shall be granted

(a) without the prior consent of Cabinet where the term is ninety-nine years, or less, or

(b) without the prior consent of Privy Council where the term is over ninety-nine years, Provided that no consent shall be granted to a lease by a widow of the land of her deceased husband.

KO E TAUMU’A ‘A TUPOU 1,’ KE VAHEVAHE ATU ‘E HE ‘ENE KAU NOPELE ‘A E NGAAHI KONGA KELEKELE MEI HONAU NGAAHI TOFI’A KI HE KAKAI TU’A.  ‘I HE TAPUNI KOIA ‘O E FALEALEA FO’OU’ ‘I HE ‘AHO 4 ‘O NOVEMA 1875. NA ‘E KOLE FAKAMAMATE ‘A TUPOU 1 KI HE ‘ENE KAU NOPELE FO’OU NE FILI KI FALEALEA KE ‘OUA ‘E FAKAVAVEVAVE’I HONO VAHE ‘O E KELEKELE KI HE KAKAI TU’A. NA ‘E A’U MAI KI HE TA’U 1880, NE TE’EKI AI PE KE VAHE ATU ‘E HE KAU NOPELE’ IA HA KONGA KELEKELE KI HE KAKAI TU’A, KA E PUKE PE IA ‘E KINAUTOLU KOE’UHI KO E FALE’I ‘A TUPOU 1. ‘ALU HAKE LEVA ‘A BAKER ‘O HOKO KO E MINISITA KI HE KELEKELE ‘I HE 1880, HILI MEI AI HA TA’U ‘E 2 KUO TUKU MAI ‘E BAKER ‘A E LAO KI HE KELEKELE (LAND ACT 1880), ‘O FAKA’ATÃ ‘E HE LAO KO ‘ENI KE MA’U ‘API KOLO MO ‘API ‘UTA ‘O A’U KI HE ‘EKA ‘E 8.25(ACRES)  ‘A E TANGATA’I FONUA TONGA ‘O KAMATA ‘I HE TA’U 16. KO E TA’U TATAU PE NA ‘E FOAKI AI ‘E TUPOU 1 ‘A E TOFI’A TUKUFAKAHOLO ‘E 30 KI HE ‘ENE KAU NOPELE PEA 6 KI HE KAU MATAPULE (KING’S ATTENDANTS). KO E TOENGA LEVA ‘O E KELEKELE NA ‘E MA’U IA ‘E HE PULE’ANGA TONGA.  ‘A IA ‘OKU MA’U ‘API FAKATOU’OSI ‘A E KAKAI TU’A MEI HE TOFI’A ‘O E KAU NOPELE MO E TOFI’A ‘O E PULE’ANGA. KA KO E TOKOLAHI TAHA ‘O E KAKAI TU’A ‘OKU NAU NOFO ‘I HE NGAAHI TOFI’A ‘O E KAU NOPELE.

KO E LAO KELEKELE NA ‘E ‘IKAI FAI HA FU’U LILIU LAHI KI AI TALU MEI HE 1882. KO E 1891, NA ‘E LILIU AI ‘A E LAO KELEKELE KE FATONGIA’AKI ‘E HE PULE’ANGA ‘A  HONO VAHE ‘O E NGAAHI KONGA KELEKELE, PEA KO E KAU MA’U TOFI’A KO KINAUTOLU PE ‘OKU ‘I AI ‘A ‘ENAU TOTONU KE TANAKI ‘A E PA’ANGA TOTONGI (RENT).

KO E VAA’IHALA KO IA NE FONONGA MAI AI ‘A E KAU NOPELE MO E NGAAHI FAKANGATANGATA KI HONAU MAFAI,’ NA ‘E TO’O  KOTOA ‘A E NGAAHI FAKANGATANGATA KO IA ‘I HE 1915. NE ‘OANGE KI HE KAU NOPELE ‘A E TOTONU FAKAKONISITUTONE (STATUTORY RIGHT) KE ‘ULUAKI MA’U ‘A E NGOFUA MEIA KINAUTOLU KI MU’A PEA TOKI FAI ‘E HE MINISITA KI HE KELEKELE ‘A HONO VAHE ATU ‘A E KELEKELE ‘I HONAU TOFI’A. NE FAKAHA FOKI ‘E HE LAO ‘O E KELEKELE (LAND ACT) ‘A E FIEMA’U KI HE KAKAI TU’A KE TOTONGI HONO NGAUE’AKI (RENT).

‘I HE 1976 NE FAKALELEI’I AI ‘A E LAO KELEKELE KE FAKA’ATÃ ‘A HONO NO ‘AKI ‘A E KONGA KELEKELE (MORTGAGE) PE MALU’I ‘AKI HA NO ‘A E KONGA KELEKELE.  A’U MAI KI HE 1980, KO E LOLOA TAHA KI HE NO MALU’I KELEKELE KO E TA’U PE ‘E 30. KO E ANGA ‘ETAU SIO ATU KIAI,’ KO E FO’I TA’U ‘E 30 ‘OKU TUKU MAI ‘I HE LAO KELEKELE, ‘OKU ‘IKAI KE ‘I AI HANO FU’U MAHU’INGA HE KOE’UHI ‘OKU FU’U SI’ISI’I IA KI HONO TA FAKAFOKI ‘O HA NO, HE KO ‘ENE SI’ISI’I ANGE ‘A E TAIMI ‘OKU TA AI ‘A E NO, KO ‘ENE LAHI ANGE IA ‘A E PA’ANGA ‘OKU TA FAKAFOKI ‘I HE VAHA’ATAIMI NOUNOU KOIA PEA ‘E IKU ‘O ‘IKAI KE LAVA HANO TA FAKAFOKI ‘A E NO, PEA ALA MAI ‘A E PANGIKE ‘O FA’AO ‘A E KONGA KELEKELE ‘OKU MALU’I ‘AKI.

‘IKAI KEHE, NA ‘E ‘OANGE FOKI ‘E HE LAO KELEKELE ‘A E NGOFUA KI HE KAKAI TU’A KE NAU LISI HONAU ‘API ‘UTA ‘I HA FO’I TA’U PE ‘E 10 PEA LISI MO E ‘API KOLO ‘I HE TA’U ‘E 99, PEA ‘E FIEMA’U ‘A E NGOFUA MEI HE FAKATAHA TOKONI (PRIVY COUNCIL) ‘OKAPAU ‘E LAHI HAKE ‘I HE TA’U ‘E 99. KA KO E ME’A KE FAI KI AI ‘A E TOKANGA, KO E MAFAI KO IA KI HONO FAKANOUNOU ‘O E TA’U LISI ‘I HE LAO ‘O E KELEKELE, HE KO ‘ENE NOUNOU ANGE ‘A E TA’U LISI, KO E ‘ENE MAMAFA ANGE IA. ‘O TATAU PE KI HE NGAAHI TOFI’A ‘O E KAU NOPELE KA E PEHE FOKI KI HE PULE’ANGA.

KO E FAKAMAU’ANGA KELEKELE (LAND COURT) KO KINAUTOLU IA ‘OKU FAITU’UTU’UNI KI HE NGAAHI LONGOA’A FEKAU’AKI MO E LAO KELEKELE (LAND ACT).  KO E TU’I MO E FAKATAHA TOKONI (PRIVY COUNCIL) ‘OKU NAU FILI MO FAKANOFO ‘A E KAU FAKAMAAU ‘I HE FAKAMAAU’ANGA KELEKELE (LAND COURT). ‘A IA KO E NGAAHI TANGI FEKAU’AKI MO E HOPO KELEKELE, ‘OKU ‘IKAI KE ‘AVE IA KI HE FAKAMAAU’ANGA LAHI (SUPREME COURT) KA ‘OKU ‘AVE IA KI HE FAKATAHA TOKONI (PRIVY COUNCIL). ‘IKAI KEHE, KO E TU’I PE ‘OKU NE FILI ‘A E MINISITA KI HE KELEKELE, PEA TU’UNGA MINISITA KI HE KELEKELE, KO E HOU’EIKI NOPELE PE ‘OKU FIEMA’U KI HE LAKANGA NI.

NEONGO HONO FAKALAO ‘A E MA’U ‘API ‘I TONGA, KA ‘OKU TOKOLAHI ‘A E KAKAI TU’A ‘E ‘IKAI MA’U HONAU ‘API. KOE’UHI KO E ‘ALU KE TO E TOKOLAHI ANGE ‘A E NGAAHI FAMILI PEA KUOPAU KE FAI HA TOHI TALA’API KA ‘OKU FU’U FAINGATA’A HE KOE’UHI KO E LAHITAHA ‘O E NGAAHI KONGA KELEKELE KUO ‘OSI LESISITA IA.

NEONGO KUO ‘OSI MA’U ‘API HA TANGATA’I TONGA, KA KO ‘ENE NOFO TAILIILI ‘E ‘IKAI KE NGATA HE KOE’UHI HE ‘OKU KEI PULE’I PE ‘E HE KAU NOPELE MA’UTOFI’A ‘A HONO VAHEVAHE ‘O E KELEKELE ‘I HONAU TOFI’A. KUO PAU KE FAKAMO’ONI ‘A E NOPELE MA’U TOFI’A KA E TOKI LAVA ‘O LESISITA ‘A E KONGA KELEKELE KI HE HINGOA ‘O HA TAHA TU’A. KA ‘OKU TOKOLAHI ‘A E KAU NOPELE IA ‘OKU NAU FAKATÕTÕ’OHI KE VAHE ‘A E NGAAHI KONGA KELEKELE KI HE KAKAI TU’A KE NAU LESISITA. PEA VAHE PE ‘A E KELEKELE KE NGAUE’AKI ‘E HE KAKAI TU’A ‘O ‘IKAI FAKA’ATÃ KINAUTOLU KE LESISITA ‘A E KONGA KELEKELE ‘OKU NAU NGAUE’AKI. HE KO E PALOMESI KI HA FAKAMO’ONI ‘O HA NOPELE KI HA KONGA KEHELEKE,’ KUO PAU KE TAUHI ‘E HE KAKAI TU’A HONAU VA MO E KAU NOPELE.  PEA ‘OKU ‘UHINGA IA’ KE MATU’AKI TALANGOFUA KAKATO ‘A E KAKAI TU’A’ KI HE NGAAHI TU’UTU’UNI ‘A E HOU’EIKI NOPELE MA’U TOFI’A  MO FAI HONAU FAKALANGILANGI’I, KE ‘AVE ‘A E TOKONAKI MO TOTONGI PA’ANGA, ‘AVE MO E KOLOA FAKATONGA PE KOHA KOLOA MEI TU’APULE’ANGA. KO HONO ‘UHINGA ‘E TAHA ‘O E ‘IKAI KE FIEMA’U ‘E HE KAU NOPELE MA’U TOFI’A ‘A TONGA KE LESISITA HONAU KELEKELE,’ KO HONO SIOFI IA ‘O HA FAINGAMALIE ‘O HA TAHA MULI ‘OKU ‘I AI HA’ANAU PA’ANGA LAHI KENAU LISI HONAU KELEKELE.

‘IKAI KEHE, KO ‘ENE HOKO ‘A E NGAAHI ME’A KO ‘ENI, KOE’UHI KO HONO FAKANGOFUA ‘I HE LAO KELEKELE (LAND ACT). KO HONO ‘AVE ‘A E MAFAI KI HE KAU NOPELE KENAU FAKAMO’ONI ‘I HA KONGA ‘API KE LESISITA, ‘OKU NE FAKAAVA ‘A E MATAPA KI HE KAU NOPELE KE NAU FAI ‘A E NGAAHI ‘ULUNGAANGA TA’ETOTONU (LEGAL ABUSES) KO ‘ENI.

KO E KAKAI TU’A KUO NAU ‘OSI LESISITA HONAU KONGA KELEKELE, ‘OKU ‘I AI ‘A E NGAAHI ME’A ‘E FIEMA’U KENAU FAKAKAKATO. KO E LAO KELEKELE ‘OKU NE TU’UTU’UNI KI HE KI HE TOKOTAHA KUO LESISITA HONO ‘API KENE TOTONGI ‘A E SENITI ‘E 80 FAKATA’U. KO E SENITI ‘E 80 KO E TOTONGI FAKATA’U IA ‘O E MO’UA NOFO ‘I HE KELEKELE ‘O E PULE’ANGA (RENT). KO KINAUTOLU ‘OKU NOFO ‘I HE TOFI’A ‘O E KAU NOPELE, TENAU TOTONGI FAKAHANGATONU PE KI HE KAU NOPELE ‘ENAU MO’UA NOFO (RENT) PEA ‘OKU A’U ‘A E PA’ANGA MO E KOLOA KUO TOTONGI ‘E HE KAKAI ‘OKU NOFO ‘I HE NGAAHI TOFI’A ‘O E HOU’EIKI KI HE LAUI MANO.  KO E FA’AHINGA SISITEMI PEHE NI, ‘OKU HA LELEI MAI AI ‘A E PULE’ANGA FAKAHOU’EIKI ‘O ONO’AHO. PEA ‘OKU ‘IKAI KE MAHINO PE ‘E KEI FIE MUIMUI ‘A E KAKAI TU’A KI HE SISITEMI FAKAKUONGA MU’A KO ‘ENI, ‘O PEHE ‘OKU FAKALAO NAI PE KO E NOFO TAILIILI NA’A TO’O HONAU NGAAHI KELEKELE. HE KUO TOKOLAHI ‘A E KAKAI TU’A KUO TO’O ‘E HE KAU NOPELE HONAU NGAAHI KELEKELE. KA ‘OKU HOKO ‘ENI KOE’UHI KO HONO FEKAU’I ‘E HE LAO KELEKELE KE TOTONGI ‘E HE KAKAI TU’A ‘A E MO’UA NOFO (RENT) FAKAHANGATONU PE KI HE KAU NOPELE.

KO E 1984, NA ‘E A’U KI HE PESETI ‘E 19.28% (‘I HE KELEKELE KOTOA ‘O TONGA) ‘A E KELEKELE KUO VAHE KI HE KAKAI TU’A TE’EKI KE LESISITA. PEA PESETI LEVA ‘E 43.28% ‘O E KELEKELE KUO ‘OSI LESISITA, PEA PESETI ‘E 8.07% NA ‘E LISI ATU PEA KO E TOENGA,’ KO E PESETI ‘E 6.94% KO E KELEKELE IA ‘OKU TOE KE TOFI.  ‘OKU MAHINO MAI ‘I HE NGAAHI PESETI KO ‘ENI ‘A E ‘IKAI KE MALU ‘A E TOTONU ‘A E KAKAI ‘O TONGA KI HE KELEKELE ‘O E FONUA. (INSECURITY IN LAND RIGHTS). KO ‘ENE A’U MAI KI HE ‘AHO NI, KUO ‘ALU KE TOE TOKOLAHI ANGE ‘A E TANGATA’I FONUA TONGA PEA KUO ‘IKAI KE TOE LAVA ‘E HE PULE’ANGA TONGA ‘O FAKAKATO ‘A E NGAAHI FIEMA’U KELEKELE ‘A E KAKAI TU’A ‘I HE NGAAHI ‘ELIA LAHI. PEA ‘OKU HOKO ‘ENI KE UESIA LAHI AI ‘A E MO’UI ‘A E KAKAI TU’A.

KO E TU’UNGA FAKATU’UTAMAKI ‘OKU ‘I AI ‘A E LAO KELEKELE ‘I TONGA, HE ‘OKU HOKO AI ‘A HONO FAKATAU FAKAPULIPULI (BLACK MARKET) ‘A E KELEKELE ‘O FAKALOTOFONUA. NA E KAMATA MAI TALU MEI HE VAEUA ‘O E SENITULI 20.  FEFAKATAU’AKI TA’EFAKALO ATU ‘O E KELEKELE FAKALOTOFONUA. NA ‘E ‘IKAI KE TOKANGA ‘A E PULE’ANGA TONGA KI HE NGAAHI PALOPALEMA KO ‘ENI KA NAU TUKUNOA’I PE ‘O PEHE ‘E KAU LELEI KE MA’U AI HA SENITI ‘A E KAKAI. KA ‘OKU TE’EKI KE A’U ‘A E NGAAHI MONU’IA IA ‘E MA’U AI, KI HE NGAAHI MONU’IA ‘E MA’U ‘E HE KAKAI TU’A ‘OKAPAU ‘E FAKALELE’I ‘O E LAO KELEKELE.

PEA NEONGO KUO LILIU ‘A E FA’UNGA ‘O E FONUA MEI HE PULE’ANGA FAKAHOU’EIKI (CHIEFDOM) KI HE PULE’ANGA FAKAKONISITUTONE FAKATU’I (CONSITUTIONAL MONARCHY) ‘I HE TA’U ‘E 143 KUO HILI. ‘OKU KEI PUKEPUKE MAI PE HOKOHOKO ATU ‘A E FETO’AKI KO IA ‘I HE VA ‘O E KAKAI TU’A MO E KAU NOPELE ‘I HE ‘ENAU NGAAHI TOTONU KI HE KELEKELE MO E FAKAPOLITIKALE ‘O MAKATU’UNGA ‘I HE LAO KELEKELE MO E NGAAHI FOUNGA FAKAKUONGAMU’A.

AS ONE WRITER PUT IT, “ROYALTY AND NOBILITY EFFECTIVELY WORK TOGETHER THROUGH CONSTITUTIONALIZED GOVERNMENT INSTITUTIONS, TO ENSURE PERPETUATION OF THE MONARCHY’S AND THE NOBILITY’S STRONG POSITION AS ESTATE HOLDERS.”

PEA ‘OKU TALA ‘E HOTAU KUOHIIL MO E LOLOTONGA NI ‘OKU HOKO ‘A E FA’UNGA ‘O TONGA KE NE FAKATOLONGA MO OHI MAI ‘A E FAKATU’UTU’UNGA ‘O E ONO’AHO, KO E TUKIA’ANGA ‘O E KAKAI TU’A.

Advertisements